BRAKTISJE – poezi nga Skënder Rusi
Sot nuk më ka kërkuar asnjë në telefon,
As që e kam prekur,
Kapakun e tij të jeshiltë,
Sot unë kam marrë frymë kot,
Me heshtje më kanë dënuar edhe miqtë!
Sot unë nuk e di se ku po shkoj,
Vrapojnë hapat e mi
por jo andej nga shkojnë të gjithë!
Dita më ka marrë për dore
Sikur të jem fëmija i saj!
Si t’i gjej tani dashuritë!?
Nuk e di pse më vihet kaq shumë në park
ndoshta se atje gjeta të dashurën,
më vjen të shtrihem, të çlodhem pak
botë absurde je, të paktën!!!
Skënder Rusi
@NewsIn.Al
