Ajo që i bëri Anglia Kroacisë sot ishte përkufizimi i vërtetë i një shkatërrimi total!
Thomas Tuchel ofroi një performancë brilante. Anglia luajti futboll direkt, agresiv, duke arritur te porta e Kroacisë me sa më pak prekje të mundshme. Ndërtimi i aksionit filloi përmes Konsa-s dhe James-it, me Anderson-in që afrohej pranë tyre dhe më pas, me një prekje të vetme, dërgonte pasime pas shpinës së mbrojtjes kroate për Bellingham-in dhe Madueke-n, ndërsa shfrytëzohej edhe Harry Kane, i cili tërhiqej thellë për të nxjerrë mbrojtësit nga pozicioni.
Dhe nuk ishte vetëm kaq. Harry Kane zbriste deri në vijën e parë së bashku me mbrojtësit, duke vepruar si një lojtar shtesë në zotërimin e topit. Nga aty, një pasim direkt i lironte Madueke-n dhe Bellingham-in në hapësirë. Ishte kaos total për Kroacinë!
Për të mos folur për goditjet standarde — një histori më vete. Anglia kishte ide brilante nga kornet, dhe O’Riley mund të kishte shënuar lehtësisht edhe dy gola të tjerë nga ato. Kroacia duhet sinqerisht të jetë falënderuese që humbi vetëm me katër gola!
Thomas Tuchel dha një mesazh të fuqishëm sot: Anglia do të jetë një pretendente shumë serioze për Kupën e Botës ❤️.
@NewsIn.Al
