Italia kërkon që BE-ja ta shpallë Gardën Revolucionare të Iranit organizatë terroriste

Italia i ka bërë thirrje Bashkimit Europian që ta përfshijë Gardën Revolucionare Islamike të Iranit (IRGC) në listën e organizatave terroriste. Ministri i Jashtëm italian, Antonio Tajani, deklaroi se kjo kërkesë do të ngrihet zyrtarisht në takimin e ministrave të jashtëm të BE-së në Bruksel.

Sipas tij, veprimet e IRGC-së, përfshirë shtypjen e dhunshme të protestave në Iran dhe shkeljet e rënda të të drejtave të njeriut, kërkojnë një përgjigje të fortë dhe të qartë nga Europa. Italia po ashtu mbështet vendosjen e sanksioneve individuale ndaj zyrtarëve përgjegjës.

Vendimi për ta shpallur IRGC-në organizatë terroriste kërkon unanimitetin e të 27 vendeve anëtare të BE-së, ndërsa disa shtete kanë shprehur më herët rezerva për shkak të pasojave diplomatike me Teheranin.

Nëse miratohet, masa do të sillte ngrirje asetesh, ndalime udhëtimi dhe kufizime të forta financiare ndaj Gardës Revolucionare dhe personave të lidhur me të

@NewsIn.Al