Pas kaq vitesh përsëri me Fatmirin, një mikun tim prej vitesh në emigracion…

Stërgjyshin e kishte pasur firmëtar të pavarësisë nga turku, gjyshin ja kishin vrarë italianët, të vëllanë e gjyshit gjermanët, babanë ja futi në burg Enveri, fisin ja internuan komunistët…
Në kohën e demokracisë iku në Greqi…punoi, ndërtoi, krijoi familje, bleu shtëpi, studioi fëmijët dhe hapi biznes…
E takova dje ne Korçë. Parkoi xhipin dhe u ulëm diku për kafe.
U kënaqa që i kishte vajtur aq mirë puna në Selanik, sepse e kisha njohur prej vitesh aty…Bëmë muhabet për sportin ku ishte tifoz me Juven ne Itali dhe Gjermanin…për filma, “vdiste” për telenovelat turke!
Bravo i thashë, di të zgjedhësh…
Një moment kur në një TV që kishim përballë, me titra lexonim në një stacion për konfliktin që provokohet në Egje, kërceu përpjete dhe sa nuk ulëriu: “t’ëmën e s’ëmës, kur bëhen si trima grekët, legenat…”
Çfarë ke bre, i thashë…ç’të kanë bërë grekët?
– Jo bre, asgjë më tha, por ashtu më erdhiii…
-Si të erdhi mo Fati, i thashë…Ike pa brekë nga Shqipëria dhe sot je milioner, me shpi e katandi!
U çudita, por pastaj bëra lidhjen…Me të gjithë ata që ja kishin “futur” ishte tifoz…të vetmit që e “bënë” njeri ishin grekët, ndaj i urrente…
Kush është rritur i nënshtruar, e paska shumë të vështire të falenderojë atë që e ul në të njëjtën tryezë për të ngrënë bukë…
U ngritëm nga kafja dhe normal që u përqafuam…

-Ika byrazer më tha…Ika të pi një frape në Selanik të qetësoj shpirtin… Ikaaaaaaa…

Ilir Jano

@NewsIn.Al