Stamboll: Rritet numri tragjik i zjarrit të madh – 27 të vdekur (foto)

Ka shkuar në 27 numri i të vdekurve nga zjarri që shpërtheu pas një shpërthimi në bodrumin e një ndërtese 16-katëshe që përdoret si klub nate në lagjen Gayretepe të Stambollit.

Zjarri ka rënë pak para orës 13.00, pas një shpërthimi gjatë punimeve të rinovimit të lokalit të natës “Masquerade”. Viktimat ishin punëtorë që punonin në atë moment dhe mbetën të bllokuar brenda dyqanit.

Kryetari i bashkisë së Stambollit, Ekrem Imamoglou, ishte në vendngjarje, i cili tha se asnjë kërkesë për leje ndërtimi apo rinovimi nuk ishte paraqitur nga kompania. “Është dy kate më poshtë, kështu që nuk duket. Nuk ka pasur asnjë ankesë. Ka pasur një ndërhyrje të paligjshme”, theksoi ai.

Presidenti turk Rexhep Tajip Erdogan kontaktoi ministrin e Brendshëm Ali Gerlikaya dhe u informua për incidentin.

Ministri i Drejtësisë Yilmaz Tunds njoftoi se tre prokurorë kanë marrë përsipër hetimin paraprak për ngjarjen dhe pesë persona janë arrestuar tashmë.

Prefekti i Stambollit Davut Gul tha se klubi i natës kishte një licencë për të operuar që nga viti 1987 dhe e rinovoi atë në 2018.

Klubi i natës u mbyll për shkak të muajit të shenjtë mysliman të Ramazanit.

@NewsIn.Al