Anatomia e pushtetit
Pushteti është kafshë e errësirës,
që ngrohet në zjarrin e njerëzve,
pi nga duart tona,
dhe na ha në gjumë.
Që në kohën e Katerinës
së Madhe,
pushteti kishte aromë mishi,
shkëlqimin e arit në qafë
dhe hidhësinë e dhunës në buzë.
Për Katerinën, pushteti
ishte një dashnor i egër;
e përkëdhelte me urdhra
perandorakë,
e përçmonte me prekje,
sepse perandoritë
ushqehen me mish njeriu,
jo me ide.
Katerina,
e zhveshur nga frika,
i dha botës fytyrën e vet;
jo si një grua,
por si pasqyra e një zjarri
të paepur.
Se kush sundon
nuk fiton kurrë;
shuhet ngadalë,
derisa i mbetet vetëm
emri;
si një hije që pëshpërit
në çdo epokë:
Desha gjithçka,
dhe për këtë arsye,
mbeta vetëm…
gjergj zefi
@NewsIn.Al
