Inspektorët e Doganës së AADE-së zbuluan dhe sekuestruan një sasi të madhe kokaine në aeroportin e Athinës “Eleftherios Venizelos”.

Në mënyrë të veçantë, inspektorët, me asistencën e qenit të zbulimit të drogës “Diego” dhe pasi kanë shfrytëzuar informacionet, kanë ushtruar kontroll ndaj një pasagjeri me kombësi italiane, i cili po udhëtonte nga Sao Paulo, Brazil, në Dubai me destinacion përfundimtar Athinën.

Gjatë kontrollit, në bagazhin e tij iu gjetën dhe sekuestruan tetë pako najloni me kokainë me peshë totale bruto 17 kilogramë

Pasagjeri është arrestuar për shkelje të ligjit për drogën dhe është dërguar në Prokurorinë kompetente. Sipas raportit vjetor të Trupit Koordinues për Ndjekjen e Drogave (SODN), vlera e sasisë së sekuestruar kalon 850.000 euro dhe mund të arrijë deri në 1.700.000 euro.