Bruksel: Sulm terrorist me dy suedezë të vdekur – Sulmuesi deklaron veten anëtar të ISIS
Ndërkohë që Lindja e Mesme është në flakë, me luftën në Izrael, terrori i ISIS- it është rikthyer në Evropë, pasi pas sulmit me thikë në një shkollë në Francë, pasditen e së hënës vonë (16.10.2023) një person i armatosur qëlloi dhe vrau dy Suedezët duke thirrur “Allahu Akbar” (“Allahu është i madh”), në qendër të Brukselit, ndërsa një tjetër bashkatdhetar u plagos.
“Emri im është Abdelsalem Al Gilani dhe jam luftëtar i Allahut. Unë i përkas Shtetit Islamik. Ne i duam ata që na duan dhe i urrejmë ata që na urrejnë. Ne jetojmë për fenë tonë dhe vdesim për fenë tonë. Vëllai juaj u hakmor në emër të muslimanëve. Unë kam vrarë tre suedezë deri më tani. Po, tre suedezë. Për ata që kam bërë keq, ju lutem më falni. Dhe unë i fal të gjithëve”, dëgjohet të thotë ai në video.Autori ka rrëfyer aktin e tij të tmerrshëm në Bruksel, në një video që ka postuar në rrjetet sociale, duke u deklaruar si pjesëtar i ISIS. 
Momenti i sulmit terrorist në Bruksel
Në videodokumentin e sulmit terrorist në qendër të Brukselit, sulmuesi me xhaketë portokalli shihet duke zbritur nga një motoçikletë dhe duke qëlluar pa dallim mbi kalimtarët në Avenue Ypres. Më pas ai hyn në një ndërtesë dhe qëllon njerëzit brenda.
Sipas mediave belge, autoritetet u alarmuan në orën 19:15. (Koha lokale).
@NewsIn.Al
