”E KRISHTERKA IME”
Poezi nga Skënder Rusi
Një varëse të bleva për në qafë,
Në të një kryq me plot shkëlqime,
Unë myslimani yt i prapë,
Ty të kam botë, e krishterka ime !
Ç`shkëlqim që ka ky Krisht në kryq,
Ku buzët unë vë çdo ditë !
Ti gjysmëhënën time puth,
edhe të gjithëve iu bën sfidë !
Ti kryqin mban, po unë jam,
si Zoti Krisht i kryqëzuar !
Dhe ndonëse jam një mysliman,
Me kryqin tënd jam dashuruar !
Dhe puthja jote dhe puthja ime,
Nuk janë thjesht një marrëzi !
Po janë çdo gjë që Krishti donte,
në këtë botë pa dashuri !
– Skënder Rusi –
@NewsIn.Al
