Greqi_Shikoni foto dhe video dokument nga sulmi i mafiozëve malazezë në Vari
– Si ekzekutuan 4 banditët anëtarët e organizatës kriminale rivale – Kontrata e vdekjes
Video dokument nga nata e sulmit vrasës në Avenue Varis – Koropiou tregon xhelatët malazezë duke iu afruar tavernës ku bashkëpunëtorët e tyre kishin gjetur anëtarët e organizatës kriminale që kërkonin në të gjithë Atikën. Me tiparet e tyre të errësuara nga kapela dhe kapuçët, katër sulmuesit ecin përreth sikur asgjë nuk po ndodh. Pak më vonë ata po zbrazinin plumbat nga katër armët e tyre, mbi anëtarët e organizatës kriminale “Scaliari” në sy të familjarëve të tyre.
Kaluan 70 sekonda dhe një video tjetër regjistroi autorët duke vrapuar në rrugë për t’u larguar nga taverna. Kontrata e vdekjes ishte ekzekutuar dhe sipas policisë “për rastin Vari kërkohej një shumë prej 2 000 000 eurosh”, e cila kishte të bënte me shpenzimet për automjetet, shtëpitë që ishin marrë me qira, transportin e armëve, por. edhe pagesën e vrasësve . Një nga makinat e përdorura ishte marrë me qira nga një kompani dhe kur e pikasën, autoritetet patën fat. Tre orë para sulmit, sulmuesit kishin shkuar në një pikë karburanti për të marrë karburant. Por kanë bërë gabim që kanë lënë brenda faturën e pagesës. Policia e gjeti atë dhe kështu kishte një imazh të njërit prej autorëve, nga kamera e karburantit.
Por sulmet vrastare të bandave serbe nuk u ndalën me kaq…
Dy anëtarë të tjerë të organizatës kriminale që po shijonin pushimet në ishullin e Jonit janë ekzekutuar në Korfuz.
Në fotot e paraqitura nga “zougla”, autorët janë regjistruar, pas vrasjes, duke u larguar me dy motoçikleta me katër rrota dhe më pas duke u larguar nga ishulli me një skaf të marrë me qira.
Bashkëpunëtori i tyre shqiptar, i cili ishte i vetmi që kishin në Greqi, u kujdes që të nesërmen t’i transportonte me makinë për në Halkidiki dhe më pas u arratisën nga Greqia.
@NewsIn.Al
