Gruaja e asaj nate
Kur flokët të të jenë zbardhur krejt
dhe duart të mos të binden si dikur,
kur të erresh e të gdhihesh e vetme,
do të më kujtosh.
Kur mbrëmjet të të duken më të gjata,
gjumi të të vijë gjithnjë e më rrallë,
e ti të presësh agun në heshtje,
sërish do të më kujtosh.
Do t’i gjurmosh në kujtesë
copëzat e pazëllit tim.
Zëri im do të jetë tretur,
por etja e dikurshme, jo.
E njëjta drithërimë
do të të përshkojë si atëherë.
E befas, nën lëkurën e rrudhur,
do të zgjohet gruaja e asaj nate.
gjergj zefi
@NewsIn.Al
