Ikën njerëzit u shpërndanë…
Emigranti
U ndanë njerëzit, u shpërndanë,
Porsi zogjtë që lenë folenë,
Disa shkuan nëpër botë,
Bota shpitë po ju’a zenë!
Ikën njerëzit, u shpërndanë,
Bashkë me ta dhe njerzillëku,
Lanë nënën dhe babanë,
Në mes të fukarallëkut!
U ndanë njerëzit, u shpërndanë,
Dhe harruan farë e fisin,
S’marrin vesh kur vijë e ikin,
Se kush vdiq e se kush lindi!
Ikën njerëzit, u shpërndanë,
U përçanë si zogjtë e korbit,
Pa një “dje” dhe pa një “nesër”,
Pa flamur, pa zënë e kombit!
Arben Petro Trebicka
@NewsIn.Al
