Përse nuk mjafton “pendimi” i Enea Jorgjit? Kush ka qënë “AI” i asaj ndeshje, që nuk ka qënë Jorgji?
Gjyqtari Enea Jorgji ka dhënë një intervistë në emisionin “Vizioni i Pasdites” ku ka rrëfye rrugëtimin e tij drejt arbitrimit duke mos lënë pa përmendur për herë të parë dhe një moment të veçanta në karrierën e tij, si ajo e skandalit të ndeshjes Kukësi – Skënderbeu…
Momenti më i vështirë?
Momenti më i vështirë në karrierë ka qenë një ndeshje që vendosi sezonin, mes Kukësit dhe Skënderbeut. Me vendimmarrjet e mia atë kohe, u acaruan tifozët, por gjithçka është lënë pas tani më dhe besoj se gjithsecili duhet ta ketë kuptuar që nuk ka qenë Enea ai i asaj ndeshje.
Por a mjafton kjo? Të ishte gabim njerëzor falej, pakujdesi, paaftësi…përsëri falej, por ky deponim i tij vërteton dyshimet e publikut sportdaahës korçar, që “rezultati” ishte i planifikuar nga një regjisor i fuqishëm jashtë stadiumit sipas njl regjie Anti Skënderbe e cila kishte kohë që “lulëzonte” në tregun informal të futbollit shqiptar..
Po çfarë tha Jorgji në këtë “gjysëm” pendesë? As të falur nuk i kërkoi një qyteti të tërë dhe as gishtin nuk e drejtoi në urdhëruesi! Të gjithë “aktorët” e atyre viteve akoma janë në “majë” dhe nëse Enea Jorgji do kishte burrëri në rrëfimin e tij do fliste me emra dhe mbiemra.
Kaq e thjeshtë është zoti Jorgji…urdhëruesit ju shpërblyen menjëherë pas mbarimit të ndeshjes…
Kartoni i kuq i Salihit, copat e grisura në fytyrën tuaj ishin treguesi më i mirë i “grisjes” së një federate të ç’orientuar futbolli!.
Tregohu i sinqertë zoti Jorgji…Korça të ka falur, se gjithmonë e ka ditur që bilbili i ndeshjes nuk ishte në gpjën tënde!
Ilir Jano
@NewsIn.Al
