Kontroll “blic” në burgun e Drenovës, çfarë u gjet në qelinë e Laert Haxhisë
Gjatë këtij kontrolli, Shërbimi i Kontrollit të Brendshëm të burgjeve konstatoi praninë e një aparati celular në qelinë e Laert Haxhiut – i dënuar me burgim të përjetshëm për masakrën e Lushnjes në vitin 2017, ku humbën jetën dy persona. Objektiv i atentatit atëherë ishte Xhulio Shkurti, nipi i Aldo Bares, i cili i shpëtoi plumbave pasi ishte larguar pak minuta më parë nga vendngjarja.
Ndërkohë, Haxhiu është aktualisht nën hetim edhe për një tjetër çështje të rëndë penale në Gjykatën e Posaçme, ku po gjykohet për disa episode kriminale, përfshirë vrasje dhe grabitje, në një proces që mbështetet edhe mbi dëshminë e të penduarit të drejtësisë, Artan Tafani.
Ky rast ngre sërish pikëpyetje mbi kontrollin dhe sigurinë brenda ambienteve të burgjeve, si dhe aksesin e të dënuarve të rrezikshëm në mjete komunikimi të ndaluara.
@NewsIn.Al
