NË RININË TIME
Në rininë time mungonin celularët,
internetin s’e shihnim, as në ëndërr.
Luanim derisa hëna puthte detin,
dhe nënës i thoshim: erdha, erdha!
Në rininë time mungonin mundësitë,
por ëndrrat kishim, dëshira plot.
Të mësoje gjuhë të huaj ishte fat,
të luaje piano a kitarë, dhuratë.
Në rininë time mungonin aq shumë,
por më shumë kishim në shpirt pasuri:
Sjellje, karakter, dritë njerëzie,
libra nën jastëk për ëndrra të lira.
Në rininë time mungonin celularët,
por letra me mall na mbushnin zemrat.
Miqësi të ndjera, si motra e vëllai,
familja, pasuria më e shenjtë që kishim.
Athinë, 27.08.2024
Ermira D. Ifandi
@NewsIn.Al
