Përforcim i ri për Liverpoolin. Pas mbërritjeve të Jeremy Fribong dhe Florian Wirtz, “Reds” kanë përfunduar edhe transferimin e Milos Kerkez.
Me Trent Alexander-Arnold që u largua nga klubi për në Real Madrid dhe Andy Robertson që po kalonte një sezon të vështirë, skuadra nga Merseyside po kërkonte mbrojtës të rinj. Jeremy Fribong mbërriti shpejt nga Bayer Leverkusen për të marrë përsipër pozicionin e krahut të djathtë
Një shtesë e mirë për ekipin e Arne Slott, i cili kërkonte të siguronte një konkurrent të fortë për Andy Robertson sezonin e ardhshëm. Liverpooli në fund zgjodhi Milos Kerkez, i cili vjen pas një sezoni cilësor me Bournemouth, një ekip të cilit iu bashkua në verën e vitit 2023, për pak më pak se 18 milionë euro.
Ish-lojtari i AC Milan dhe AZ Alkmaar vjen gjithashtu nga një sezon në të cilin shënoi dy gola dhe dha gjashtë asiste në 38 paraqitje në Premier League për Qershitë. I shpejtë, i fortë dhe i shkëlqyer në kundërsulm, 21-vjeçari ndërkombëtar hungarez do të ribashkohet gjithashtu me shokun e tij të ekipit kombëtar Dominik Szombossly.
“Liverpooli ka përfunduar nënshkrimin e Milos Kerkez nga Bournemouth. Mbrojtësi i majtë i është nënshtruar vizitave mjekësore dhe ka nënshkruar një kontratë afatgjatë me kampionët e Premier Ligës. Kerkez bëhet nënshkrimi i fundit i verës i Reds dhe vjen pas njoftimit të mbërritjes së Florian Wirtz të premten e kaluar”, thuhet në njoftimin për shtyp.
@NewsIn.Al
