Monday, April 21, 2025
spot_img
HomeAktualitetiShpallet i pafajshëm kryebashkiaku Eduard Duro

Shpallet i pafajshëm kryebashkiaku Eduard Duro

Shpallet i pafajshëm kryebashkiaku Eduard Duro

GJKKO ka shpallur të pafajshëm për akuzën e shpërdorimit të detyrës, kryetarin e bashkisë së Devollit Eduard Duro dhe katër të akuzuarit e tjerë.

Kujtojmë që SPAK, kërkoi të mërkurën më 5 shkurt deklarimin fajtor të kryetarit të Bashkisë së Devollit, Eduard Duro dhe katër vartësve të tij, të akuzuar për shpërdorim detyre në dhënien e një lejeje dhe autorizimi një shoqërie në kundërshtim me ligjin, për stacionin e shitjes së karburantit në Devoll.

Megjithatë, SPAK vlerësoi të kërkojë pezullimin e dënimit për secilin e të pandehurve, duke i vendosur ata në shërbim prove. Prokuroria kërkoi dhe caktimin e dënimit plotësues, për heqjen e të drejtës të pandehurve për të ushtruar funksione publike, për një periudhë 3-vjeçare.

Nga hetimet e SPAK, rezultoi se kryebashkiaku socialist Eduard Duro, në bashkëpunim me zyrtarët e Sektorit të të Ardhurave dhe Liçencimit në Bashkinë Devoll, Gazmend Haxhija dhe Gazmend Malo dhe sekretarin e Përgjithshëm të Bashkisë Devoll, Astrit Seferkolli, si dhe të pandehurën tjetër, Vojsava Bregu, pajisën shoqërinë tregtare “Genci Petrol” sh.p.k me autorizim për tregtimin me pakicë të karburantit. Sipas prokurorisë, ky autorizim është dhënë në kundërshtim me ligjin, pasi në vitin 2019 Inspektoriati Kombëtar i Mbrojtjes së Territorit kishte vendosur prishjen e pikës së karburantit.

@NewsIn.Al

RELATED ARTICLES

Most Popular

Recent Comments