Takim për Rrjetëzimin e Bizneseve të Diasporës Shqiptare në Itali
Fiesole, Firenze – 22 Mars 2025 Në një përpjekje për të forcuar bashkëpunimin dhe krijuar mundësi të reja për sipërmarrësit shqiptarë në Itali, të shtunën u zhvillua një takim i rëndësishëm i shoqatës RIDA (Rrjeti Italian i Bizneseve Shqiptare në Itali).
Fiesole, Firenze – 22 Mars 2025
Në një përpjekje për të forcuar bashkëpunimin dhe krijuar mundësi të reja për sipërmarrësit shqiptarë në Itali, të shtunën u zhvillua një takim i rëndësishëm i shoqatës RIDA (Rrjeti Italian i Bizneseve Shqiptare në Itali).
Në këtë event mori pjesë Lina Çaushi, anëtare aktive e Dhomës së Biznesit të Diasporës Shqiptare, e cila së bashku me Presidentin e RIDA-s, Vat Marashi, si dhe këshilltarët Neritan Alku dhe Cataldo Pugliesi, diskutuan për forcimin e bashkëpunimit mes Dhomës së Diasporës dhe RIDA-s.
Takimi mblodhi një gamë të gjerë ekspertësh dhe sipërmarrësish, që operojnë në fusha si:
Mjekësia
Energjia e rinovueshme
Hidrogjeni dhe teknologjitë e gjelbra
Sipërmarrjet e ndryshme shqiptare dhe ndërkombëtare
Qëllimi kryesor i këtij takimi ishte ndërtimi i një rrjeti të fortë bashkëpunimi, jo vetëm për bizneset shqiptare në Itali, por edhe për të krijuar ura lidhjeje me tregun shqiptar.
Diaspora shqiptare mbetet një aset i rëndësishëm për zhvillimin ekonomik dhe profesional të komunitetit tonë, ndaj pjesëmarrësit ndanë ide dhe strategji konkrete për projekte të ardhshme, me synimin për të fuqizuar këtë rrjet.
Çdo bashkim i shqiptarëve në diasporë është një mundësi më shumë për zhvillim dhe përparim!
Rrjeti I Bizneseve shqiptare në Greqi
@NewsIn.Al
