“Të edukosh do të thotë të heqësh”
Kur një prind thotë: “Unë nuk i kam lënë asgjë mangut fëmijës tim”, shpreh marrëzinë e tij të plotë.Sepse detyra e një prindi është t’i bëjë fëmijës ti mungojë diçka, sepse nëse nuk të mungon asgjë, për çfarë të duhet kurioziteti, për çfarë të duhet zgjuarsia, për çfarë të duhet talenti, për çfarë të duhet gjithçka që kemi në këtë kuti magjike? Nuk të duhet për asgjë, apo jo?
Nëse të kanë shërbyer e përkëdhelur si një lord i vogël i përhumbur mbi divan, nëse të kanë zgjuar në 6:45 të mëngjesit, të kanë çuar në shkollë, të kanë sjellë përsëri në shtëpi, të kanë lënë të shohësh pa diskutim Maria De Filippi, sepse nuk mund të humbasësh asnjë episod të Uomini e Donne—sepse, siç e dini, kjo është një akuzë pedagogjike e mrekullueshme!
Po për një gjë të thjeshtë, për guximin për të thënë “jo”?Shihni, unë e mbaj mend ende, pas kaq vitesh, një notë 1 në matematikë. Por nuk i mbaj mend qindra raste kur më kanë dhënë një 6, sepse 6 nuk thotë asgjë, është i shuar, i zakonshëm, mediokër.
Kur u ktheva në shtëpi, i thashë babait tim:— Babi, mora një 1 në matematikë.
Mendova se do të shpërthenin nervat, nuk e dija çfarë do të ndodhte në shtëpinë time.Por ai më tha:— Fantastike! 4 e marrin shumë, por një 1 nuk e kisha dëgjuar ndonjëherë! Pra, paske një talent, biri im!
Pastaj kaloi nga ironia te serioziteti:— Mundohu ta rregullosh deri në qershor, përndryshe do të kesh një verë shumë të keqe.
Kaq. Nuk e folëm më kurrë.Sepse ai besonte tek unë. Dhe kur beson te një i ri, nuk duhet ta ndihmosh. Nëse është i zoti, do t’ia dalë vetë.
Pse duhet ta ndihmojmë?Unë ndihmoj një zonjë 94-vjeçare të kalojë rrugën, sigurisht.Por pse duhet të ndihmoj një 18-vjeçar?
Në rastin më të mirë mund t’i them:— Je i lidhur? Ja, kjo është rruga. Urime për jetën tënde!
Rekomandohen ata që janë në vështirësi, jo një fëmijë.Pse duhet ta rekomandosh fëmijën tënd? Sepse nuk ja del dot vetë?Çfarë mesazhi po i japim? “Meqë ti nuk ja del dot, do të mendohet babi.”
Sa herë kam dëgjuar një prind të thotë:— Duhet të sistemoj djalin tim.
“Sistemoj”, si të ishte një vazo kineze!Ku do ta sistemosh? Në vitrinë, sipër dollapit?Ke sjellë në jetë një objekt apo një shpirt?
Nëse ke sjellë në jetë një shpirt, nuk duhet ta sistemosh,sepse shpirti shkon atje ku e di vetë rrugën.
Të edukosh nuk ka të bëjë fare me demokracinë.Ne duhet të udhëheqim, sepse ata janë më të vegjël.
Në një kënetë, rosakët ndjekin rosën.A keni parë ndonjëherë një rosë me të gjithë rosakët përpara?Është e pamundur, është kundër natyrës.
Sepse rosat janë të zgjuara. Ne, më pak.
Një prind është si një instruktor fluturimi.Ai duhet të të mësojë të fluturosh.
Nuk është dikush që shpreson të rrish në shtëpi deri në moshën 60-vjeçare,që të bëhesh një lloj kujdestari falas.
Ky është egoizëm, nuk ka asnjë lidhje me dashurinë.Dashuria është t’i shohësh të fluturojnë.
Paolo Crepet
@NewsIn.Al
