Të premte të gjithë korçarët drejt Tiranës. K.F.Skënderbeu ve në dispozicion autobuzë për tifozët!
Tifozët e Skënderbeut do të qëndrojnë në tribunat “S” për gjysmëfinalen e “Final Four”, që luhet të premten në orën 20:00 në stadiumin “Air Albania”.
Bileta kushton 10 mijë lekë të vjetra dhe shiten në biletaritë fizike te stadiumi “Air Albania” dhe “Selman Stermasi” në Tiranë, si dhe online në linkun e mëposhtëm
https://al.ebileta.al/biglietteria/pub/buyseats/scegliSettorePub.do?idEvento=1539( Korça)
Për këtë ndeshje të rëndësishme klubi ka vendosur transport falas, ku autobusët do të nisen në orën 15:00 para stadiumit “Skënderbeu”.
Të gjithë drejt kryeqytetit për të mbështetur masivisht ekipin ndaj rivalit tonë të përjetshëm. Kjo është ndeshja më e rëndësishme e sezonit për ne dhe mungesat nuk kanë justifikime.
Të gjithë bashkë t’u tregojmë se kush jemi, jo vetëm rivalit, por edhe pseudo-analistëve të banaqeve televizive në Tiranë, të cilët prej ditësh po vjellin vrer ndaj nesh, duke na konsideruar edhe si ekip i vogël.
Fanella e Skënderbeut është një ndër më të rëndat në Shqipëri dhe historinë që kemi bërë ne në Europë, nuk e ka arritur asnjë klub tjetër deri më tani.
Ne dimë se si fitohen trofetë dhe le ta kthejmë të premten në festë.
Bashkë ia dalim! Forca SKËNDERBE
@NewsIn.Al
