Zemërimi i Zotit? Një mesazh nga parajsa? Tërmeti i rrallë që tronditi qytetin e Nju Jorkut të premten, tre ditë para një eklipsi diellor, ishte i mjaftueshëm për disa amerikanë që ta konsideronin kohën si një “ogur të keq”.

“Zoti po i dërgon Amerikës shenja të forta për të na thënë të pendohemi. Tërmete, vranësira dhe më shumë që do të vijnë. Unë lutem që vendi ynë ta arrijë atë”, shkroi rep. Marjorie Taylor Green, një anëtare e Partisë Republikane dhe një përkrahëse e teorive konspirative, në një postim në Platformën X (ish-Twitter).

Në anën tjetër të spektrit politik, disa vunë në dukje se epiqendra e tërmetit 4.8 ishte vendosur jo shumë larg një klubi golfi në pronësi të Donald Trump në Bedminster, New Jersey.

Grupi MeidasTouch, një komitet i veprimit politik kundër Trump, postoi një hartë të Nju Xhersit në Platformën X që shfaq një figurë me sy lazer të Joe Biden.

Natyrisht, nuk ishin të paktë ata që talleshin me profetët e dënimit. “Sipas disa burimeve, njujorkezët duhet të presin tufa karkalecash”, tha gazetarja Rebecca Lewis, duke iu referuar dhjetë plagëve të Faraonit.

Momenti i tërmetit nga Statuja e Lirisë

Në kohën e tërmetit 4.7 ballë  në Nju Jork  një kamerë e montuar në Statujën e Lirisë e regjistroi atë.

Në video shihet statuja e madhe duke u tundur dhe dridhet, ndërsa karakteristike janë edhe valëzimet e shkaktuara në det.

Në të njëjtën kohë, në ballë të plazhit shihen disa persona duke shijuar shëtitjen e tyre kur “goditi” tërmeti.

Robert Jano _ Në Korçën tonë

@NewsIn.Al