Trump kërcënon Kubën: Do ta marr ishullin pothuajse menjëherë!
Donald Trump ka deklaruar se Shtetet e Bashkuara “do të marrin kontrollin” e Kubës “pothuajse menjëherë”, duke nxitur reagime të forta ndërkombëtare dhe tensione të reja mes Uashingtonit dhe Havanës.
Sipas deklaratave të tij, SHBA mund të përballet me një situatë ku, siç u shpreh ai, banorët e Kubës do të prisnin ushtrinë amerikane me “faleminderit” dhe dorëzim të plotë. Ai shtoi gjithashtu se, pas përfundimit të çdo veprimi ndaj Iranit, vëmendja e tij do të përqendrohet te Kuba.
Në të njëjtën linjë, Trump nënshkroi një urdhër ekzekutiv që zgjeron sanksionet ndaj Kubës, duke përfshirë edhe kompani dhe banka të huaja që bashkëpunojnë me Havanën. Sipas administratës amerikane, këto masa justifikohen me “kërcënime për sigurinë kombëtare”.
Ndërkohë, në Kubë është rikthyer në skenën publike Raúl Castro, ndërsa qeveria kubane ka reaguar duke kërkuar dialog dhe duke dënuar sanksionet e reja si të padrejta dhe politike.
Situata vjen në një periudhë tensionesh të rritura mes dy vendeve, me SHBA që po ashpërson presionin ekonomik dhe diplomatik ndaj ishullit. Sanksionet e reja prekin sektorë kyç si energjia, financat dhe minierat, duke rritur më tej izolimin ekonomik të Kubës.
Ekspertët e shohin këtë zhvillim si një përshkallëzim të ri në marrëdhëniet SHBA–Kuba, në një klimë të ndikuar edhe nga zhvillimet politike të brendshme në Shtetet e Bashkuara/Corriere Della Sera
@NewsIn.Al
