Në mes të një rrethimi të gjatë rus që e ka zhytur Mariupolin në një krizë humanitare, autoritetet ukrainase fajësuan të mërkurën forcat ushtarake të Vladimir Putin për bombardimin e një spitali pediatrik në qendër të qytetit.
Trupat ruse kanë pushtuar disa lagje në Mariupol në jug të Ukrainës , një qytet që ka qenë i rrethuar prej ditësh, njoftoi agjencia e lajmeve Interfax, duke cituar zëdhënësin e Ministrisë së Mbrojtjes ruse, Igor Konashenkov.
Është një port me rëndësi strategjike në Ukrainën juglindore, me një popullsi prej rreth 450,000 banorësh. Nëse Mariupol do të binte në duart e rusëve, kjo do t’i jepte Moskës kontrollin e një prej porteve më të mëdha të Ukrainës dhe do të krijonte një korridor tokësor midis Krimesë dhe rajoneve të Luhanskut dhe Donetskut të mbështetur nga Rusia.
Tre të vdekur në maternitetin e Mariupolit
Ndërkohë, sipas nënkryetarit të bashkisë së Mariupolit të rrethuar, tre persona – përfshirë një fëmijë 6-vjeçar – u vranë kur Rusia bombardoi një maternitet të mërkurën.
Të paktën shtatëmbëdhjetë të tjerë u plagosën, duke përfshirë gra shtatzëna.
“Jam absolutisht i sigurt se ata dinë për këtë objekt dhe ky është spitali i tretë që po shkatërrojnë në qytet”, tha Sergei Orloff për BBC. Vihet re se pala ruse foli për “lajme të rreme”, duke pretenduar se bëhej fjalë për një ish-maternitet e cila prej kohësh ishte e pushtuar nga ushtria.
Organizata Botërore e Shëndetësisë thotë se ka verifikuar të paktën 18 sulme të ndryshme në objektet shëndetësore në Ukrainë që nga fillimi i pushtimit.
Këshilli i qytetit të Mariupol tha në një deklaratë se “forcat pushtuese ruse hodhën shumë bomba dhe shkatërrimi në spitalin pediatrik është kolosal”.
Bombardimi u dënua nga qeveritë perëndimore, Kombet e Bashkuara dhe Vatikani.
Duke iu drejtuar një thirrjeje dramatike për ndihmë, nënkryetari i bashkisë së Mariupolit Sergei Orlov dhe ministri i jashtëm ukrainas Dmitry Kuleba thanë se qyteti po bombardohej pandërprerë dhe se Rusia “po mbante pengje”.
Në Mariupol – ku jeton një popullsi solide greke – nuk ka ujë, energji elektrike dhe ngrohje për ditë të tëra. Banorët shkrin borën për të pirë ujë dhe djegin dru për t’u ngrohur. Kushtet janë “mesjetare”, tha Sergei Orloff
Francezët akuzojnë rusët për çnjerëzor dhe frikacak
Zëdhënësi i qeverisë franceze Gabriel Atal denoncoi sulmet “çnjerëzore dhe frikacake” të Rusisë ndaj Ukrainës pas bombardimit të një materniteti.
“Këtë mund ta them në emër të qeverisë franceze: goditjet e Rusisë ndaj spitalit të fëmijëve në Mariupol janë çnjerëzore dhe frikacake. “Objektivi ishin gratë, fëmijët, personeli mjekësor, nuk është karakteristik dhe ne kërkojmë përsëri të shpallet një armëpushim”, tha Atal për RTL.
Atal theksoi gjithashtu se “ne ende duam të shkojmë më tej në aspektin e sanksioneve (kundër Rusisë) dhe duam të përgatitemi që të gjithë skenarët të jenë më të pavarur. “Do të ketë diskutime mes krerëve të shteteve dhe qeverive” gjatë samitit joformal sot dhe nesër në Versajë.
“Ajo për të cilën do të punojmë kryesisht gjatë këtij samiti është se si mund të ndalojmë varësinë nga Rusia për t’u ngrohur, për të lëvizur,” shtoi zëdhënësi i qeverisë franceze.
@NewsIn.Al
