Autori i grabitjes së bankës në Tiranë, kishte bërë 26 vjedhje në Greqi! E shoqja, punonjëse banke
Robert Duka, i njohur edhe me identitetin Albert Duka, i dyshuar për grabitjen e dy filialeve bankare në Tiranë, rezulton të ketë një të kaluar kriminale edhe në Greqi, ku dyshohet se ka kryer 26 vjedhje si pjesë e një grupi kriminal.
Një tjetër detaj që bëhet i ditur është se bashkëshortja e tij punon në një bankë të nivelit të dytë në Tiranë.
50-vjeçari u identifikua dhe u ndalua në kuadër të operacionit policor të koduar “Gjuetari i Bankave”, pas një hetimi të kryer nga strukturat e Policisë, nën drejtimin e Prokurorisë. Ai dyshohet se është autor i dy grabitjeve nën kërcënimin e armës së zjarrit, të ndodhura më 2 qershor dhe 2 nëntor 2026, në dy filiale bankare në kryeqytet.
Gjatë kontrolleve, policia sekuestroi 8 200 euro, veshje që dyshohet se janë përdorur gjatë grabitjeve dhe dy aparate celularë. Hetimet vijojnë për dokumentimin e plotë të ngjarjeve.
Euronews Albania
@NewsIn.Al
