Rosaviatsia, agjencia e aviacionit civil të Rusisë, tha se avioni i Azerbajxhanit që u rrëzua në Kazakistan të mërkurën “vendosi të devijojë nga destinacioni i tij fillestar i Groznit” për shkak të mjegullës së madhe dhe një alarmi për një sulm me dron ukrainas në zonën e Çeçenisë .

“Në atë kohë, dronët ushtarakë ukrainas po kryenin sulme terroriste kundër infrastrukturës civile në qytetet Grozny dhe Vladikavkaz”, tha kreu i Rosaviatsia, Dmitry Yadrov për Telegram.

Sipas Rosaviatsia, pilotit të avionit “u ofruan aeroporte alternative uljeje”, “por ai zgjodhi Aktau në Kazakistan”, domethënë të kalonte gjerësinë e të gjithë Detit Kaspik (!).

Moska ka kërkuar që të mos nxirren përfundime në lidhje me rrëzimin derisa të përfundojnë hetimet nga Kazakistani dhe Azerbajxhani. Katër burime azere i thanë Reuters se avioni u godit nga sistemet ruse kundërajrore.

Nga ana e saj, Azerbajxhani Airlines njoftoi se rezultatet paraprake të hetimit treguan se avioni që u rrëzua në Kazakistan mori “ndërhyrje të jashtme fizike dhe teknike”.

@NewsIn.Al