Christian Vieri: “Luka Modrić-it do t’i jepja 5 vite kontratë, Federico Dimarco është krosuesi më i mirë në Europë. Dhe për Francesco Pio Esposito…”
Gjatë një interviste të dhënë për numrin e sotëm të La Gazzetta dello Sport, ish-sulmuesi italian Christian Vieri foli për protagonistët e derbit të nesërm në mbrëmje, duke filluar nga Pio Esposito:
“A e shoh të përmirësuar? Po, përndryshe kaq i ri nuk do të arrinte të përballonte fizikisht konkurrencën edhe në nivel europian. Dhe tani e shoh më ‘të butë’ në lojë: kur stërvitesh me lojtarë të fortë, përmirësohesh. Më kanë thënë gjithashtu se ka një dëshirë shumë të madhe për t’u përmirësuar.
Tani, kur i vjen topi, e luan më shumë se më parë; ka atë prekje të vogël që shërben edhe për ta nxjerrë shokun e skuadrës përpara portës. Pastaj është e qartë se, me atë strukturë fizike, duhet të shërbehet sipas karakteristikave të tij: e shikon vërtet Pio Esposito vetëm nëse i dërgon edhe 7-8 krosime për çdo pjesë loje.”
Më pas ai foli për Federico Dimarco:
“Me një rendiment dhe vazhdimësi të tillë, ai është krosuesi më i mirë në Europë: si i vendos topat ai në zonë, aq shumë sa ai, nuk e bën askush. Dhe këtë vit po shënon edhe më shumë, sepse Inter Milan sulmon shumë dhe me shumë lojtarë.”
Në fund Vieri komentoi edhe për mesfushorin kuqezi Luka Modrić:
“Vetëm në Itali flitet kaq shumë për moshën e lojtarëve. Ai ishte te Real Madrid dhe luante, vetëm vitin e kaluar, jo dhjetë vite më parë. Po të isha te AC Milan, nuk do t’i rinovoja kontratën për pak kohë, por do t’i jepja një kontratë pesëvjeçare.”
@NewsIn.Al
