Deri më 10 korrik, flamujt në Shtetet e Bashkuara do të valëviten në gjysmë shtizë.
Presidenti i SHBA Joe Biden ka urdhëruar që flamujt të qëndrojnë në gjysmë shtizë deri më 10 korrik në nderim të Shinzo Abe , ish-kryeministrit japonez, i cili u vra sot nga një person i armatosur ndërsa mbante një fjalim në fushatë.
Abe ishte një “shërbëtor krenar i popullit japonez dhe një mik besnik i Shteteve të Bashkuara”, tha presidenti amerikan në deklaratën e tij. “Edhe në kohën kur u sulmua dhe u vra, ai u angazhua në punën demokratike, të cilës ia kushtoi jetën”, shtoi ai.
Biden planifikon të vizitojë më vonë ambasadën japoneze në Uashington për të nënshkruar librin e ngushëllimeve.
Ai tha gjithashtu se ishte përpjekur të kontaktonte kryeministrin japonez Fumio Kishida, të cilin ai e quajti një “njeri shumë të qëndrueshëm”, duke shtuar se Japonia ishte “një aleat shumë, shumë i qëndrueshëm”.
Burimi: BRE-MPE
@NewsIn.Al
