Policia Rrugore e Tiranës ka paralajmëruar të gjithë drejtuesit e mjeteve se do të gjobiten nëse fëmijët deri në 12 vjeç udhëtojnë pa rrip sigurimi në makinat e tyre.
Sipas njoftimit bëhet e ditur se gjobat do të variojnë nga 5000 deri në 15 000 lekë për shkelësite ligjit. Në rast se konstatohet pa rrip sigurimi vetë drejtuesi i mjetit, përveç gjobës, do t’i pezullohet leja e drejtimit për një periudhë nga 6 deri në 12 muaj.
“Për të krijuar një mjedis sa më të sigurtë për përdoruesit e rrugës dhe për qytetarët, Policia Rrugore është angazhuar maksimalisht për evidentimin dhe ndëshkimin e drejtuesve të mjeteve të cilët konstatohen duke shkelur rregullat e qarkullimit rrugor.
Si rezultat i kontrolleve janë evidentuar dhe goditur raste të drejtuesve të automjeteve të cilët mbajnë fëmijë nën moshën 12 vjeç, pa sistemet e fiksimit. Kushdo që nuk përdor rripat e sigurisë dhe sistemet e fiksimit, të parashikuara për pasagjerët deri në 12 vjeç, ndëshkohet me masë administrative, nga 5000 deri në 15 000 lekë. Kur shkelja i takon një fëmije në moshë jomadhore, përgjegjësia bie mbi drejtuesin e mjetit ose mbi atë që është ngarkuar me mbikëqyrjen e fëmijës, kur ai ndodhet aty në çastin e kryerjes së shkeljes.
Në rast se shkelësi është drejtuesi i mjetit, përveç masës së parë administrative, atij i vendoset edhe masa administrative plotësuese pezullim i lejes së drejtimit për një periudhë nga 6 deri në 12 muaj.”-thuhet në njoftimin e Policsë.
@NewsIn.Al
