FOL MOS HESHT
Shpirti rënkon nga dhimbja,
kur hija e frikës, e mallkuar,
rreth mendjes të bëhet mbret,
kur shpirtin në emër të dashurisë,
me grusht zemrën t’a heq,
kur vals me djallin kërcen,
trupin e brishtë ta përplasin,
në çdo qoshe ,në çdo cep,
në një skenë ku sy të trembur,
shikojnë pa shpresë,
nga kjo skenë,
kurrë duartrokitje s’do të kesh !
në skenarin e jetës tënde ndoshta,
vdekja s’u shkrua ,
çohu me ëngjëjt kërce,
tani e lirë je,
trëndafila të bardhë mbi trup do kesh,
por prapë duartrokitje,
s’do të kesh,
heshtja mbretëron,
në sytë e përlotur pa shpresë…
Agapi@…8/12/2024
@NewsIn.Al
