Jam e pasur …
Në qytetin e thashethemeve mbretëroj . Jam e pasur . Kam mbi supe një jetë të mbushur me sakrifica ,një jetë që lodhet ,por nuk ndalet ,një jetë që ka prekur fundin dhe sërish jeton. Kam shpirtin plot ,më ndjekin pas sy që më falin veç dashuri ,për të cilët edhe terrin e kthej në dritë . Në ditët e boshatisura mbushem me oksigjenin helmues të mospërfilljes . Pasuria më mbulon me shpresën e shuar ,më përball me dyer të mbyllura ,më godet me medaljen tjetër:
– E pavlerë !
Para meje parakalon injoranca ,sikur do të më habisë ,por në të vërtetë më shumë më shton pasurinë . E vetmja që tremb ata që mburren nëpër fushata e frikësohen se nuk ka nesër .
Jam e pasur pa portofol ,por e kënaqur se ndër breza më thërrasin mësuese .
(Monika Muzikanti)
#NewsIn. Al
