Janë shkatërruar, thyer e rrëzuar sot disa nga skulpturat e parkut të qytetit të Korçës
Në këtë kohë që Korça po shijon pikun e sezonit turistik dimëror, skulpturat e parkut të qytetit vandalët kanë dëmtuar. Një rast i përsëritur ky dhe që sigurisht ndodh pasi nuk ka një dënim për dëmtuesit e mëparshëm.
Ndërkohë Kryetari i Bashkisë Sotiraq Filo, ka shprehur indinjatën e tij në një postim në faqen zyrtare të bashkisë:
-Dëmtohen skulpturat e Parkut “Rinia” në Korçë.
Sot në orët e para të mëngjesit persona ende të paidentifikuar kanë dëmtuar rënde dy prej skulpturave të vendosura në galerinë e hapur përbri Parkut “Rinia”.
Skulpturat që çdo vit i shtohen këtij koleksioni, realizuar nga artistë nga vende të ndryshme të botës janë vlerë për Korçën dhe vizitorët.
Bashkia dënon veprimin e qëllimshëm të dëmtimit të tyre dhe iu bën apel institucioneve përgjegjëse për zbardhjen dhe vënien para përgjegjësisë ligjore të autorëve të kësaj ngjarje të shëmtuar!
@NewsIn.Al
