Nuk e dije ti?!
Ne 1983 ish punonjesi i policise sekrete dhe ministri i brendshem i diktatures, Fecor Shehu kishte perfunduar nga maja e pushtetit ne birucat e diktatures.
Hetuesit e tij, e kishin praktike te torturonin te akuzuarit dhe t’i detyronin te pranonin faje qe nuk i kishin bere. Keshtuqe, nuk kishte se si te ndodhte ndryshe, por te silleshin njesoj edhe me ish ministrin qe tani ishte ne banken e te akuzuarve.
Kur doli ne gjyq, Fecori i terrorizuar ankohej se ndaj tij kishin ushtruar tortura cnjerezore. Kryetari i trupes gjykuese i pergjigjet:
“Ashtu eee? Nuk e dije ti qe ushtroheshin tortura ne burg?”
Mu kujtua ky episod kur degjoja sot Berishen qe ankohej se ne PD nuk ka demokraci te brendshme, dhe se kryetari nuk pyet strukturat e partise, por i merr vendimet sipas interesave te tij.
John Rawls thote se per te ndertuar nje sistem te drejte njeiu nuk duhet ta dije nese do te perfundoje si mbret apo si skllav.
Fatkeqesia shqiptare eshte se ata qe e kane dizenjuar sistemin politik ne Shqiperi kane menduar gjithmone qe do jene ne krye te tij, duke harruar qe ata mund ta gjejne nje dite veten ne anen e jashtme te bunkerit qe kane ndertuar.
Nga dr. Endrit Shabani
#NewsIn. Al
