Këshilltarja Vlera Gjakova ka qenë më parë kandidate për deputete e Lëvizjes Vetëvendosje në Kosovë.
Kryeministri Edi Rama ka emëruar Vlerë Gjakovën si këshilltare për mediat, por disa deklarata të saj të mëparshme për alienët dhe origjinën e njerëzimit po bëjnë xhiron e rrjetit.
Gjatë një daljeje televizive në Top Channel, Gjakova ka folur për teori konspirative, duke përmendur pretendimin se raca e bardhë nuk e ka origjinën në Tokë, por është krijuar në laborator.
“Shumë flitet që edhe raca jonë e bardhë nuk është racë e Tokës. Pra, jemi të bërë në laborator”, është shprehur ajo, teksa diskutonte teori mbi jashtëtokësorët.
Në deklarata të tjera televizive, Gjakova ka diskutuar edhe mundësinë që Hëna të jetë një strukturë artificiale e ndërtuar nga jashtëtokësorët dhe se njerëzimi mund të ketë pasur kontakte me ta që në fillimet e qytetërimit.
Këshilltarja e re e Ramës ka një përvojë 18-vjeçare në komunikim dhe ka qenë më parë kandidate për deputete e Lëvizjes Vetëvendosje në Kosovë.
Emërimi i saj pranë Kryeministrisë ka rikthyer në vëmendje këto deklarata, duke nxitur reagime dhe diskutime në rrjetet sociale.
#TringNews #VlereGjakova #Alienet #Shqiperi #Lajme
@NewsIn.Al
