Letër nga koloneli Descoins drejtuar gjeneralit Leblois, që komandonte Ushtrinë Franceze të Orientit, në Manasti.
Korçë, 10 dhjetor 1916
Nr 178/S
Kam nderin t’ju informoj për sa vijon: Siç e parashikova, çështja shqiptare lindi në Korçë në formën e përcaktuar në paragrafin 2 të raportit tim nr.132/S të 6 dhjetorit 1916.
Mëngjesin e sotëm të 10 dhjetorit prita vizitën e 14 delegatëve të popullatës, njëri prej tyre u shpreh me këto fjalë:
“Ne, delegatë të popullit shqiptar, vijmë për t’i deklaruar përfaqësuesit të Francës se Kazaja {prefektura} e Korçës me vartësitë e saj Bilishttin,Kolonjën, Oparin dhe Gorën, tani e tutje është një krahinë autonome e administruar nga nëpunësit civilë shqiptarë.
Ne kërkojmë të vendosemi nën mbrojtjen e autoritetit ushtarak francez. » Deklarata dhe kërkesa, duke mos pasur asgjë në kundërshtim me shënimin nr. 2995 (C.A.A.) të datës 29 nëntor 1916 për krijimin e Territorit Ushtarak në Korçë,unë iu përgjigja:
“Ju vini të më shprehni vullnetin e popullit shqiptar të Kazasë së Korçës për të jetuar tash e tutje i lirë dhe kërkoni mbrojtjen e ushtrisë franceze. Si përfaqësues i Komandës Franceze, jam dakord me kërkesën tuaj.
Ndaj deklaroj se nga sot, 10 dhjetor, Kazaja e Korçës, me vartësitë e saj Bilishtin, Kolonjën, Oparin dhe Gorën, konstituohet si një krahinë autonome, e administruar nga nëpunësit civilë shqiptarë, nën mbrojtjen e autoritetit ushtarak francez. »
Prandaj, unë dhe delegatët kemi hartuar dhe nënshkruar protokollin, një kopje e të cilit është bashkangjitur.
Administrimi dhe policimi i territorit tani e tutje sigurohet sipas kushteve të përcaktuara në protokoll.
Rendi dhe qetësia më e plotë nuk kanë reshtur së sunduari në qytet.
Salih Budka, i informuar për ngjarjet, më njoftoi se ishte në anën tonë.
Protokolli Korçë, 10 dhjetor 1916
I. Në përputhje me dëshirën e popullit shqiptar të shprehur nga delegatët e saj, Kazaja e Korçës, me vartësitë e saj Bilishtin,Kolonjën,Oparin dhe Gorën, konstituohet si një krahinë autonome, e administruar nga nëpunësit civilë shqiptarë, nën mbrojtjen e autoriteti ushtarak.francez.
II. Administrimi i Kazasë i është besuar një këshilli prej 14 anëtarësh, gjysmë të krishterë, gjysmë myslimanë. Ky Këshill është përgjegjës për:
1) studimi i të gjitha masave duke pasur parasysh mirëadministrimin e Kazasë së Korçësbdhe vartësive të saj;
2) kontrolli i funksionimit të të gjitha shërbimeve publike.
III. Këshilli do të propozojë për pranimin e autoritetit ushtarak francez emrat e mbajtësve të posteve të ndryshme. Emërimet në këto poste do të bëhen nga autoriteti ushtarak francez.
IV. Do të krijohet, nën autoritetin e Prefektit të Policisë, një organ xhandarmërie-policie përgjegjëse për ruajtjen e rendit të brenfshëm.
V. Do të krijohet një organ i “xhandarmërisë së lëvizshme shqiptare” përgjegjës për ruajtjen e pavarësisë së territorit dhe lirisë së banorëve të tij.
VI. Për të njëjtin qëllim, mund të krijohen edhe trupa të rregullt vullnetarësh, madhësia e të cilave do të varet nga rrethanat dhe kreditet e disponueshme.
VII. Kur thirren për të vepruar, forcat e policisë, xhandarmëria lëvizëse dhe trupat vullnetare do të jenë nën autoritetin epror të oficerit francez që komandon Kazanë e Korçës
VIII. Gjuha zyrtare do të jetë shqipja.
IX. Flamuri i Kazasë së Korçës do të jetë standardi tradicional i Skënderbeut me një kravatë trengjyrësh në ngjyrat franceze.
Për popullsinë, delegatët: [Emrat e delegatëve] Për autoritetin ushtarak francez:
Kolonel Descoins, komandant ushtarak i Korçës.
Piro Dhame_ Në Korçë tonë
@NewsIn.Al
