Kryeministri Edi Rama ishte pjesë e takimit vjetor të Këshillit Koordinues të Diasporës.
Gjatë fjalës së tij Rama është shprehur se në 2025-ën, në kuadër të digjitalizimit, do të lançohet projekti i ri në lidhje me asistent AI “të gjallë’ në e-Albania, ku shërbimi do të kryhet me videocall dhe jo më me mesazhe.
“Më vjen shumë mirë që ne mund ti themi me krenari shqiptarëve në diasporë që jeta e tyre është zgjeruar, pasi kanë lehtësi si me certifikatat dhe çdo gjë. Akoma më keq kur këtu në Shqipëri prisnin radhën me çadra në shi, dhe në vendin jashtë nuk kishin as një vend ku të paraqiteshin. Sot i kemi të digjitalizuara. Vitin e ardhshëm do të lancojmë modelin e ri të inteligjenca artificiale në këtë platformës dhe asistenti që do jenë dy, do të kryejë të gjithë procesin e shërbimit. Nuk do të jetë më ky veprim, ku asistenti të orienton se çfarë hapash duhet të ndjekësh për të marrë shërbimin, por me videocall asistenti do ta bëjë për ty shërbimin”, tha Rama.
@NewsIn.Al
