Ku shkojmë ? /Arian Dhimogjika
————————————
Ku shkojnë këta xhipa ?
Ku shkojnë këta “vipa” ?
Me puron erë bajgë
Paf e puf gjithë dita
Me kokën me frezha
Me syze dior
Me çandën e fryrë
Nën sqetull , në dorë
Ku shkojnë këto bjonde ?
Ku shkojnë këto brune ?
Me buzë prej lope
Tangat spëng mbas sume
Me këmbët përpjetë
Mbi porche , ferrari
Si pela hazate
Të dal ku të dali
Ku shkon kjo rini ?
Shkon në shkuma party
Fryn një erë e bie
Aromë Lazarati
Rrugët plot përplot
Ku del kjo llogari ?
Dyndje drejt Veriut
Për Jal , për Dhërmi
Ku shkojmë pa frena ?
Ku të ndalet vrapi
Rend o i uruar
Kape se të kapi
Luksi në resorte
Si pare e kuqe
Rrojmë për fasdë
Le të kemi huqe
Flasim për miliona
Si fletë hardhie
Krehim bishtin tonë
Përpjetë, bisht dhie
Koha e çudirave
Asgjë s’kemi nxënë
Çudirat nuk zgjasin
Ndodh në vendin tënë
Athinë – 2025
@NewsIn.Al
