Vittorio Sgarbi, ministri i Kulturës në qeverinë e re italiane të kryeministres Giorgia Meloni ka shtangur të pranishmit në një konferencë në Romë, teksa nisi t’u referohej femrave me terma nënçmues dhe lavdëroi organin e tij gjenital.
Konferenca u mbajt muajin e kaluar në muzeun kombëtar të artit bashkëkohor të kryeqytetit italian, por pamjet e komenteve seksite të Sgarbit sapo kanë dalë në publik.
71-vjeçari është thirrur të japë dorëheqjen pasi në videon e bërë virale deklaron se ka fjetur me 1500 gra.
Sgarbi po ashtu ka shkaktuar zemërim pasi ka përdorur gjuhë mizogjene gjatë fjalës së tij në galerinë e artit.
Në video, ai mburret se ka fjetur me 9 gra në muaj dhe lavdëron penisin e tij si një organ i zgjuar, por pranoi se nuk e dinte numrin e saktë të femrave që shkon pasi nuk ka matës penisi.
Në një moment, Sgarbi merr një telefonatë në skenë dhe ai shpërthen: “Kush je ti?”.
Ministri i ri pohoi gjithashtu se Berluskoni, i cili vdiq pak më shumë se një javë para ngjarjes, kishte fjetur me ‘më pak se 100 gra’ në jetën e tij, diçka që Sgarbi e përshkroi si një tragjedi.
Publikimi i videos 45 minuta të gjatë nga La Repubblica, shkaktoi kritika nga politikanët italianë, me partinë e opozitës “Pesë Yjet” e Italisë që bëri thirrje për dorëheqjen e Sgarbit nga qeveria.
Ata thanë se komentet e tij ishin seksiste, ndërsa lideri politik centrist Carlo Calenda e quajti Sgarbin një ‘turp’.
@NewsIn.Al
