🇦🇱 Mitrush Kuteli
Më 4 Maj v1967 u nda nga jeta Dhimitër Pasko, i njohur si Mitrush Kuteli, një shkrimtar, kritik letrar dhe përkthyes i mirënjohur shqiptar. Së bashku me Ernest Koliqin ai konsiderohet si themeluesi i prozës moderne shqiptare.
—
Më di a nuk më di
Më di a nuk më di se qaj,
më di a nuk më di se vuaj
në orët e thella të natës,
kur ngrihem i çmendur të shkruaj
me gjakun e zemrës të shkruaj.
Më di a nuk më di se agimet
më gjejnë pa gjumë në shtrat,
me shpirt të shkretuar nga dhembja,
e dhimbshëm i pres perëndimet,
me ankth i pres perëndimet.
Më di a nuk më di se sot
u drodha kur pashë pranverën, (vjeshtën)
që zbriste me flladet e prillit (tetorit),
e ëmbël siç ishte qëmot,
e hidhur siç ishte qëmot.
Më di a nuk më di se vuaj
në orët e thella të natës,
kur ndjehem nga jeta i huaj,
nga vendi i lemjes i huaj.
Më di a nuk më di…
Piro Dhame_Në Korçën tonë
@NewsIn.Al
