Mourinho : “Jam i mërzitur me Fenerbahçen – Nëse do të më thoshin të gjithë të vërtetën, nuk do të vija”

Fenerbahce mund të ketë triumfuar ndaj Trabzonsporit, por Jose Mourinho mbeti i tërbuar pas ndeshjes, pasi u grind me arbitrin këtë herë, duke pretenduar se skuadra e tij po luante kundër sistemit.

Jose Mourinho shpërtheu edhe një herë që nga momenti kur shkeli në tokën turke për të marrë drejtimin e Fenerbahçes. Skuadra e tij u ndesh me Trabzonsporin në ndeshjen e 11-të të Superligës dhe fitoi stresues 3-2, me golin e fundit që erdhi në kohën e fundit, konkretisht në… 90’+12′.

Trajneri portugez, i njohur për karakterin e tij shpërthyes, pas përfundimit të ndeshjes u përlesh me të gjithë dhe me gjithçka. Në fakt me gjithë arbitrazhin, por edhe sistemin, duke bërë disa deklarata të ashpra dhe të guximshme.

“Nuk e duam këtë arbitër, as si VAR, as si arbitër në fushë” , ka nisur ai deklaratat e tij.

“Kemi luajtur kundër kundërshtarëve të mirë, por edhe ndaj sistemit. Kjo është gjëja më e vështirë që ekziston. Ne po luajmë kundër VAR-it, kundër sistemit. Prandaj festojmë kështu pas fitores. Ne fituam kundër njerëzve shumë, shumë të fortë. Jam i inatosur me fenerbahçen që më sollën këtu, më thanë gjysmën e historisë. Nëse do të më kishin thënë gjithçka, nuk do të kisha ardhur”.

“Jo shumë njerëz jashtë Turqisë i shikojnë ndeshjet e ligës turke. Do ta postoj në Instagramin tim dhe do ta shohin miliona njerëz”.

Arsyeja që zemëroi Mourinhon ishte një penallti në favor të skuadrës së tij, të cilën as VAR-i nuk e pa. Pas deklaratave të tij, portugezi kërkoi një ndryshim strukturor në ligën turke:  “Nëse gjërat ndryshojnë, nëse sistemi forcohet, fjalët e mia do të zhduken” , shtoi ai.

@NewsIn.Al