NDOSHTA
Ndoshta ti në jetën time ke ardh’ gabimisht,
Ndoshta jam unë vetë gabimi në këtë ndjenjë të marrë.
Di që s’di të dua tjetër veçse çmendurisht,
Për ty shuaj, kall krejt botën, veten çoj në djall.
Ndonjëherë them s’është normale, kjo çka ndjej për ty,
Ndoshta dashuria jote më ka tjetërsuar.
Kuptoj që nuk jam vetvetja ta pohoj në sy,
Që kur s’e kam ndjerë unë zemrën kaq të dashuruar.
Dashuri a çmenduri, nuk di si ta quaj,
Këtë ndjesi të ëmbël shpirti që çdo ditë torturon.
Në njëmijë e një arsye nuk di pse po vuaj,
Hajde ma jep ti përgjigjen, se kështu nuk shkon.
Lida Bashllari
@NewsIn.Al
