Nuk mjaftojnë  rrogat e ulëta, por në Shqipëri edhe çmimet ulen më ngadalë se në vendet e BE

Matja sipas metodologjisë së Eurostat e inflacionit në vendin tonë tregon se në muajin shtator çmimet u rritën me 4.9 për qind, po aq sa në vendet e Bashkimit Europian.

Metodologjia e matjes sipas standardeve europiane tregon se në muajt pasues, inflacioni në BE ra me ritme më të shpejta se inflacioni në Shqipëri, për t’u barazuar në shifra në muajin shtator.

Në Shqipëri, karburantet mbajtën lart inflacionin përgjatë vitit të kaluar, ndërsa këtë vit grupi kryesor janë ushqimet dhe pijet joalkoolike.

Të dhënat e Instat tregojnë se në shtator, inflacioni në këtë grup ishte 8.4 për qind. Edhe në BE, inflacioni për këtë grup ka qenë në këto nivele, por në Shqipëri ndjehet më shumë në inflacionin e përgjithshëm për shkak të të ardhurave më të ulta. Të dhënat sugjerojnë se shqiptarët shpenzojnë gati 40 për qind të të ardhurave mujore për ushqime, ndërsa në BE kjo shifër është më pak se 10 për qind.

@NewsIn.Al