SHBA: Përpjekje për atentat ndaj Donald Trump

Një person i panjohur hapi zjarr ndaj Donald Trump gjatë fjalimit të tij në Pensilvani

Ish-presidenti amerikan është larguar nga forcat e sigurisë, ndërkohë që atentatori ka vdekur.

Ish-presidenti amerikan u largua nga skena nga agjentët e Shërbimit Sekret dhe u fut në autokolonën e tij disa minuta para përfundimit të tubimit të tij në Butler, Pensilvani, të shtunën.

Në momentet e para ishte i paqartë burimi i saktë i zhurmave, por efektivët e Shërbimit Sekret identifikuan menjëherë autorin e sulmit.

Zyrtarët i bërtitën turmës që të mbulohej, duke i larguar anëtarët e medias nga platforma e shtypit ku po shikonin fjalimin e zotit Trump.

Pas një pauze të shkurtër, Presidenti Trump u ngrit në këmbë, i rrethuar nga një grup anëtarësh me uniformë të Shërbimit Sekret. Ai ngriti grushtin drejt turmës dhe më pas doli me nxitim nga skena dhe hipi në një automjet për t’u larguar me shpejtësi nga Butler Farm Show.

“Shërbimi Sekret zbatoi masa mbrojtëse dhe ish-presidenti është i sigurt”, tha një zëdhënës i Shërbimit Sekret për X (ish-Twitter) pas incidentit. “Hetimi është në vazhdim dhe informacione të mëtejshme do të publikohen kur të jenë të disponueshme”, shtuan burimet e Shërbimit Sekret.

“Të gjithë duhet ta dënojnë atë”, shtoi Presidenti Biden

 

@NewsIn.Al