- Sot në mbrëmje dorëzohen listat e kandidatëve për deputet në zgjedhjet e 25 prillit. Ndërkohë që në partitë e vogla gjendja duket më e qete, në partitë e mëdha tensioni është i dukshëm.
Në P.S socialistët irritohen me emrat e ardhur nga LSI, ndërsa në P.D akoma vërtitet hija e 2017 ku u lanë jashtë liste shumë nga emrat më të lakuara në qytet, për tu zëvendësuar me të preferuarit e kryetarit nga Tirana.
Mosaprovimi i zgjedhjeve me lista të hapura, bën që gjithë vëmendja të përqendrohet në listat që partitë i quajnë fituese.
Sipas informacioneve që kemi, ajo që bie në sy është që Korca, ndonëse është një qark me shumë emigrantë, nuk ka asnjë përfaqësues të tyre në këto lista… Të presim dhe pak orë, mbase dikush kujtohet dhe mendon për forcën e madhe që ata përfaqësojnë.
Sipas Kodit Zgjedhor, ora 24:00 e kësaj të hënë do të shënojë përfundimin e afatit që kanë partitë politike per te zbardhur emrat e kandidatëve më të cilët do garojnë në zgjedhjet e 25 prillit.
Nesër mbarojnë, për të filluar ethet dhe ankthi i rradhës.
I.Jano
