“SHBA të qëndrojë larg”, Irani deklarohet sërish për sulmin ndaj Izraelit, e quan të përfunduar
Misioni i Përhershëm i Iranit në Kombet e Bashkuara në Nju Jork tha se sulmi ishte një përgjigje ndaj “agresionit izraelit kundër objekteve tona diplomatike në Damask”.
Misioni iranian tha se çështja “u konsiderua e përfunduar”, ndërsa bëri thirrje që SHBA të qëndrojë larg nga ky konflikt.
Irani përmendi nenin 51 të Kartës së OKB-së për sulmin e tyre, duke njoftuar se nuk do të kryejë sulme të mëtejshme.
“Sidoqoftë, nëse regjimi izraelit bën një gabim tjetër, përgjigja e Iranit do të jetë dukshëm më e ashpër. Është një konflikt midis Iranit dhe regjimit mashtrues izraelit, nga i cili SHBA DUHET TË QËNDROJË LARG!”, tha Misioni i Përhershëm i Iranit në një deklaratë në X.
Neni 51 i Kartës së OKB-së thotë se shtetet anëtare kanë “të drejtën e vetëmbrojtjes individuale ose kolektive nëse ndodh një sulm i armatosur”.
Av. Edmond Petraj
@NewsIn.Al
