Presidenti i SHBA-së, Donald Trump, ka njoftuar tarifa gjithëpërfshirëse për importet nga shumica e vendeve të botës. Trump, në një event në Kopshtin e Trëndafilave të Shtëpisë së Bardhë. Ai në thelb shpalli një luftë tregtare globale me një rezultat të pasigurt, shumë viktima dhe trazira të rëndësishme ekonomike në të gjithë globin.

Shikoni deklaratat e Trump

Këto masa në thelb shfuqizojnë marrëveshjet tregtare që kanë qenë në fuqi që nga viti 1947 dhe shpallin një luftë tregtare globale, pasi është më se e sigurt që vendet që do të vuajnë tarifat e Trumpit do të përgjigjen me një sërë kundërmasash, të cilat do të godasin edhe ekonominë amerikane.

Lista e tarifave të shpallur:

• Kina tarifa 34%.
• BE 20%
• Vietnam 46%
• Tajvan 32%
• Japonia 24%
• Indi 26%
• Koreja e Jugut 25%
• Tajlandë 36%
• Zvicra 31%
• Indonezi 32%
• Malajzia 24%
• Kamboxhia 49%
• Mbretëria e Bashkuar 10%
• Afrika e Jugut 30%
• Brazil 10%
• Bangladeshi 37%
• Singapor 10%
• Izraeli 17%

“Deklarata e pavarësisë sonë ekonomike”

Presidenti amerikan përmendi në fjalën e tij se kjo është një “deklaratë e pavarësisë sonë ekonomike”. Ai deklaroi se Shtetet e Bashkuara do të përdorin paratë e mbledhura nga tarifat për të “ulur taksat tona dhe për të paguar borxhin tonë kombëtar”.

Trump ka thënë se liderët botërorë që duan një përjashtim nga “tarifat e tij reciproke” duhet të ndryshojnë politikën e tyre tregtare.

“Jepni fund tarifave tuaja, rrëzoni barrierat tuaja, ndaloni manipulimin e monedhave tuaja,” tha ai, “dhe filloni të blini dhjetëra miliarda dollarë produkte amerikane.”

“Për dekada vendi ynë u plaçkit dhe u përdhunua”

Donald Trump e nisi aktivitetin e tij “Dita e Çlirimit” duke njoftuar tarifa gjithëpërfshirëse, duke thënë se do të nënshkruante një urdhër ekzekutiv që shpall “tarifa hakmarrëse”.

“2 Prilli 2025 do të mbetet përgjithmonë në histori si dita kur industria amerikane u rilind”, filloi Trump. “Për dekada vendi ynë është plaçkitur dhe përdhunuar nga kombet e afërta dhe të largëta”, si nga aleatët ashtu edhe nga armiqtë, shtoi ai.

Tatimpaguesit tanë janë mashtruar për më shumë se 50 vjet, por kjo nuk do të ndodhë më”, shton ai.

Ai argumentoi se shumë vende kanë vënë në shënjestër SHBA-në me “barriera jomonetare” dhe “manipulime”, duke iu referuar subvencioneve, taksave të tepruara dhe vjedhjes së pronës intelektuale.

Trump vendos tarifa 25% për të gjitha automjetet nga jashtë

Trump thotë se kur bëhet fjalë për tregtinë, ndonjëherë “miku (është) më i keq se armiku”.

Ai thotë se mbi 80% e makinave të prodhuara në Korenë e Jugut shiten në Korenë e Jugut dhe mbi 90% e makinave të shitura në Japoni janë prodhuar në Japoni, dhe se makinat e prodhuara në SHBA përfaqësojnë vetëm një pjesë të vogël në ato vende.

“Ford shet shumë pak” në vendet e tjera, thotë Trump, një çekuilibër që ka “shkatërruar” industritë amerikane.

“Kjo është arsyeja pse, në mesnatë, ne do të vendosim një tarifë prej 25% për të gjitha makinat e prodhuara jashtë vendit”, tha Trump.

“Tarifat ofrojnë një shembull se si qeveria po qëndron në mbrojtje të fermerëve dhe blegtorëve tanë të mrekullueshëm”, theksoi ai.

@NewsIn.Al