Historia e Gramoz Omari mbetet një nga episodet më të dhimbshme të periudhës së diktaturës komuniste në Shqipëri.
I njohur si një muzikant virtuoz i fizarmonikës dhe pjesë e orkestrave të famshme të hoteleve si Hotel Dajti, ai ishte gjithashtu mjek ushtarak dhe një figurë e njohur në rrethet artistike të kohës.
Në vitin 1963 ai u arratis në Jugosllavi, ku për disa vite punoi si muzikant dhe mjek në hotele dhe qytete të ndryshme të rajonit. Por në vitin 1968, pas një marrëveshjeje të fshehtë mes autoriteteve jugosllave dhe Sigurimit të Shtetit shqiptar, Omari u dorëzua në kufirin e Hanit të Hotit dhe u kthye në Shqipëri.
Pas një procesi hetimor dhe gjyqi ushtarak në Shkodër, ai u dënua me vdekje për “tradhti ndaj atdheut”.
Sipas dëshmive të kohës, pavarësisht përpjekjeve të familjarëve dhe miqve për t’i shpëtuar jetën, vendimi nuk u ndryshua dhe në natën e Vitit të Ri 1968 ai u ekzekutua me pushkatim.
Pas ekzekutimit, familja e tij u internua dhe për dekada me radhë kërkoi eshtrat e Gramoz Omarit, të cilat ende sot nuk janë gjetur.
📌 Një histori që tregon dramën e shumë familjeve shqiptare gjatë regjimit të Enver Hoxha.
💬 A e kishit dëgjuar më parë këtë histori?(Ora)
@NewsIn.Al
