Tatuazhi
Arian Dhimogjoka
Më foli një dikush
Dje në drekë në plazh
Një djalëi ri
Plot me tatuazh
Nuk më njeh më tha
U plake o njeri
Më mba mend o xhaxhi
Pa hidhmë një sy
Jam unë , jam Petriti
Hë kujtohu tani
Një derë na ndan
Një mur, një avlli
Qe djali i gjitonit
U rrit me pekuli
Modën e ndjek thashë
S’ka faj është i ri
Njëherë pantallonat
Ulur poshtë mban
Një herë me brekë del
Sipër një bufan
Njëherë i shqyer gjithë
Si ta hanin qëntë
Me kapele mbrapsh
Zinxhir të ergjëntë
Më foli një zë
Një dikush në plazh
Brenda në një trup
Gjithë tatuazh
Ah mor djalë i thashë
Vanë mendt e mia
Mos ma vërë re
Këto ka pleqëria
Ah more Petrit
Ah të martë e mira
Mu duke si buf
Kur zënë bien shira
Po pse more djalë
Pse je gjithë llangosur
Torturove trupin
Ngyer e gjakosur
Pa më thuaj vallë
Si e ke gjykuar
Kur vendimin more
A e ke mendur ?
Kur të vijë mosha
Shpejt kalon rinia
Në plazh ku të shkosh
Do qeshin fëmija
Se ky tatuazh
Që bëre tani ë
Si damkë do mbetet
Brenda do jesh ti
Do rrudhet lëkura
Do të krruset mesi
E nga kjo e tëra
Më thuaj ç’do të mbesi
Një gravurë e zbehur
Në vite e zhubrosur
Bash si një këmishë
E pa hekurosur
Do bëhesh pishman
Ja dëgjoje plakun
Shpejt do më kujtosh
E ta kam merakun
Moda shkon e vjen
Do të vijnë mëndtë
O Pertit o djalë
E gjithë tatuazh
Do trembësh dhe qëntë
Athinë / Qershor 2026
@NewsIn.Al
