Tiranë_Nesër mbahet Kongresi i PS, zbardhet axhenda, ja 6 panelet

Të premten (8 Dhjetor), Partia Socialiste  e Shqipërisë do të mbajë Kongresin, e cilësuar nga vetë mazhoranca si të jashtëzakonshëm, teksa është mësuar edhe axhenda.

Sipas agjendës të bërë publike, do të jenë gjashtë panele, ku do të diskutohet nga Reforma në Drejtësi e deri tek Inteligjenca Artificiale.

Bledi Çuçi gjatë ditë së sotme, foli për kongresin e nesërm, ku ndër të tjera tha se do të bëhet një përmbledhje e gjithë rrugëtimit të qeverisë dhe do të  reflektohet mbi gjërat që duhen të bëhen më mirë si dhe për projektin e Shqipërisë 2030.

“E jashtëzakonshme është se nuk është as zgjedhor dhe as sipas rutinës. Është një kongres që bëhet për të bërë një përmbledhje, për të reflektuar mbi gjërat që duhet të bëjmë më mirë dhe për të përcaktuar vizionin tonë për Shqipërinë e vitit 2030″ u shpreh Çuçi.

Në kongres do marrin pjesë dhe të deleguar nga Diaspora . Nga Athina i deleguar është Zamir Sade, një prej kontribuesve më të mëdhenj në emigracion dhe drejtues me shumë autoritet dhe përkrahje nga shumë shoqata në mbarë Greqinë.

Është koha që zëri i emigrantëve të jetë sa më i fuqishëm, si një faktor i rëndësishëm !

@NewsIn.Al