Tom Doshi dhe Sabina Jorgo heqin dorë nga mandati si deputet
Tom Doshi dhe Sabina Jorgo, të dy pjesë e listës së Partisë Social Demokrate (PSD) në zgjedhjet e 11 Majit, kanë hequr dorë nga mandatet e deputetëve.
Lajmi u bë i ditur nga Milva Ekonomi, e cila lexoi raportin e deputetëve.
Vendimi i Doshit dhe Sabina Jorgos ka ardhur pak para se të rifillonte mbledhja e Kuvendit, për betimin e ligjvënësve.
Doshi dhe Jorgo kanë kandiduar në listat e mbyllura të PSD-së në Shkodër. Sipas renditjes, mandatin e marrin Osman Teta dhe Bledar Mezini.
Kujtojmë se Tom Doshi është shpallur ‘non grata’ nga Shtetet e Bashkuara të Amerikës, pak vite më parë.
@NewsIn.Al
