Vështrim ndër vite
Magjia e televizionit mbetet magji . Të mahnit ,hipnotizon ,të tërheq dhe si pa e kuptuar gjithmonë e gjen vehten para tij . Në vegjëli ngjyrat mungonin ,por disa të tjera të tërhiqnin drejt tij . Ishte koha kur …
Po ishte koha kur orari i hapjes së tij tërhiqte gjithë familjen ,ishte ajo kohë ku shtëpia plot përqafohej prej një dashurie të sinqertë ,ishte ajo kohë kur edhe lojën me borë e braktisje vetëm e vetëm të ishe para aty.Maratona televizive mbartte emocione ,lotë gëzimi e trishtimi ,tifozllëk e ndonjë” vjedhje ” të huaj . Bëhej dhe më e bukur kur shfaqjet teatrale për fëmijë ,filmat vizatimorë ,emisionet nuk mungonin kurrë . Kur nisej Katallani apo Nils Olgersoni dhe rrembeheshe prej valëve gjithë talente në emisionet ku kryefjala ishin fëmijët ,uleshe dhe prisje me padurim të shfaqej Borëbardha apo Hirushja si më e bukura e më të bukurave . E çdo ditë mbusheshe me një frymë magjie sa që edhe lojërat ishin imit i tyre ,idhujve fëmijë . Në çdo ditë orari ishte orar dhe asnjë seri e Pipi Çorapegjatës apo Lizës në botën e çudirave nuk mbetej pa u parë ,për të mos thënë që nuk humbisje as përrallën e ditës. Sot gjithçka ndryshe . Në çdo televizion gatuhet . Gatuhen gjellë e tava që të lënë pa ngrënë . Mëngjesi nis i tillë në të gjithë ,më pas vlon në zjarrin televiziv parashikimi i yjeve ,bota e yjeve nëpër botë ,merr valë telenovela mjeshtërisht komentues së saj për serinë e radhës dhe serviret me analiza . Analiza kaq thelluese të ndarë në kampe ,bindje ,ide pa ide ,mjafton që jep mendimin tënd . Politika është pjata kryesore ,me granitura të vogla emisione ku realiteti nuk është i tillë dhe një gjetje e huazuar e stërmadhe ku i madh e i vogël përfshihet dhe jo vetëm kaq,por bëhet një lloj përgatitje për të përpara se të fillojë që të ngopet stomau dhe të kënaqet syri me këta personazhe kaq të rëndësishëm . Edhe për të mos u mjaftuar mospërputhja me përputhjen një skandal televiziv që i bën karshillëk gjithë emisioneve . Në këtë tryezë të shtruar edhe me realitet të hidhur ,premtime apo edhe bamirësi mungon torta . Po ,po torta ,që është një emision fëmijësh . Në asnjë televizion nuk ka një të tillë dhe kur tentohet të ketë, ata rriten . Janë të rritur që në veshje ,mendime të mësuara përmendësh ,pyetje që i drejtojnë por që nuk iu shkojnë për shtat . Parada nëpër televizione ka një tendencë të huaj ,imitim ,mbase risi pa risi dhe në hije një mori vlerash shqiptare që kur ngrenë krye vetëm me një shfaqje ,duken sikur i përpin dheri më pas . Ashtu si këngët që kanë humbur ,festivalet që nuk i shfaq askush dhe magjia televizive dekorohet me” VIP FALLCO”që bëhen kryeartikuj gazetash .
@NewsIn.Al
